Optical AWL (Оптикалық AWL)
Қашықтан басқарылатын жарқыл бөліктерін кірістірілген жарқылдан немесе фотокамераның керек-жарақтарға арналған құрылғысына бекітілген қосымша жарқыл бөлігінен жіберілетін оптикалық сигналдар (оптикалық AWL) арқылы басқаруға болады.
Кірістірілген жарқыл/SB-500
Қашықтан басқарылатын жарқыл бөліктерін басқаратын негізгі жарқыл ретінде кірістірілген жарқылды немесе SB-500 қосымша жарқылын пайдаланыңыз.
-
C: Кірістірілген жарқылды көтеріңіз.
Кірістірілген жарқылды көтеру үшін M (Y) түймешігін басыңыз. Негізгі жарқыл ретінде SB-500 жарқылын пайдаланатын болсаңыз, оны фотокамераның керек-жарақтарға арналған құрылғысына бекітіңіз.
-
C: Оптикалық AWL параметрін қосыңыз.
Фотосурет түсіру мәзірінде Flash control (Жарқылды басқару) > Wireless flash options (Сымсыз жарқыл параметрлері) үшін Optical AWL (Оптикалық AWL) параметрін таңдаңыз.
-
C: Group flash options (Топтық жарқыл параметрлері) тармағын таңдаңыз.
Фотосурет түсіру мәзірінде Flash control (Жарқылды басқару) пәрменін таңдаңыз,, содан кейін Group flash options (Топтық жарқыл параметрлері) тармағын белгілеп, 2 түймешігін басыңыз.
-
C: Жарқылды басқару режимін таңдаңыз.
Әр топтағы негізгі жарқыл және жарқыл бөліктері үшін кірістірілген жарқылды басқару режимін және жарқыл деңгейін таңдаңыз:
- TTL: i-TTL жарқылды басқару.
- qA: Автоматты апертура (тек үйлесімді жарқыл бөліктерінде қолжетімді; кірістірілген жарқыл және SB-500 автоматты апертурамен үйлесімді емес екенін ескеріңіз).
- M: Жарқыл деңгейін қолмен таңдаңыз.
- – – (өшірулі): Бөліктер жанбайды және жарқыл деңгейін реттеу мүмкін емес.
Негізгі жарқыл үшін арнаны таңдаңыз. Қашықтан басқарылатын жарқыл бөліктері SB-500 жарқыл бөлігін қамтыса, 3-арнаны таңдау керек, бірақ олай болмаса, 1 және 4 арасындағы кез келген арнаны таңдауға болады.
-
f: Арнаны орнатыңыз.
Қашықтан басқарылатын жарқыл бөліктерін 4-қадамда таңдалған арнаға орнатыңыз.
-
f: Қашықтан басқарылатын жарқыл бөліктерін топтаңыз.
Әрбір қашықтан басқарылатын жарқыл бөлігі үшін топты (A немесе B) таңдаңыз. Пайдалануға болатын қашықтан басқарылатын жарқыл бөліктеріне шектеу болмағанымен, тәжірибе жүзіндегі максималды мән — әр топта үшеу. Бұл саннан көбірек болса, қашықтан басқарылатын жарқыл бөліктері шығаратын жарық жұмысқа кедергі келтіреді.
-
C/f: Түсірілімді жиектеңіз.
Кадрды жиектеңіз және жарқыл бөліктерін орналастырыңыз. Қосымша ақпаратты жарқыл бөліктерімен бірге қамтамасыз етілген құжаттамада қараңыз. Бөліктерді орналастырудан кейін барлық жарқыл бөліктері жұмыс істеп жатқанына көз жеткізу үшін жарқыл бөліктеріндегі тексеру түймешіктерін басыңыз.
-
C/f: Фотосуреттер түсіріңіз.
Әр түсірілім алдында барлық жарқыл бөліктеріндегі дайын екенін білдіретін шамдар жанып тұрғанына көз жеткізіңіз.
Басқа жарқыл бөліктері
Оптикалық AWL параметрін басқа жарқыл бөліктерінде пайдалану туралы ақпаратты жарқыл бөлігімен бірге қамтамасыз етілген нұсқаулықта қараңыз.
Оптикалық AWL
Қашықтан басқарылатын жарқыл бөліктеріндегі сенсор терезелерін негізгі жарқылдан жарық алатындай орналастырыңыз (фотокамера штативке бекітілмеген болса, ерекше сақ болу керек). Тік жарық немесе қашықтан басқарылатын жарқыл бөліктерінен келетін күшті шағылысулар фотокамера объективіне (TTL режимінде) немесе қашықтан басқарылатын жарқыл бөліктеріндегі фотоэлементтерге (qA режимі) кірмейтініне көз жеткізіңіз, өйткені бұл экспозицияға кедергі келтіруі мүмкін. Негізгі жарқылдан шығарылатын қарқындылығы төмен жарқылдардың қысқа ауқымда түсірілген фотосуреттерде көрінуін болдырмау үшін төмен ISO сезімталдықтарды немесе кішкентай апертураларды (жоғары f сандары) таңдаңыз. Қашықтан басқарылатын жарқыл бөліктерін орналастырудан кейін сынақ суретті түсіріп, фотокамера мониторында нәтижелерді көріңіз.
Жарқыл түзетілімі
M (Y) түймешігі және қосымша басқару дискі арқылы таңдалған жарқыл түзетілімінің мәні сымсыз жарқыл параметрлері мәзірінде таңдалған жарқыл түзетілімі мәндеріне қосылады. TTL немесе qA режимінде негізгі жарқыл немесе қашықтан басқарылатын жарқыл бөліктері үшін ±0 мәнінен басқа жарқыл түзетілімі мәні таңдалса, басқару панелінде және көріністапқышта Y белгішелері көрсетіледі.