2. D850 онлайн нұсқаулық
  3. Тікелей көрініс арқылы фотосурет түсіру
  4. Тікелей көрініс арқылы фотосурет түсіру

Тікелей көрініс арқылы фотосурет түсіру

Тікелей көрініс режимінде фотосуреттер түсіру үшін төмендегі қадамдарды орындаңыз.

  1. Тікелей көрініс селекторын C күйіне (тікелей көрініс арқылы фотосурет түсіру) бұраңыз.

    Тікелей көрініс селекторы

  2. a түймешігін басыңыз.

    Айна көтеріліп, объективтегі көрініс фотокамера мониторында көрсетіледі. Нысан көріністапқышта енді көрінбейді.

    a түймешігі

  3. Фокустау нүктесін орналастырыңыз.

    Фокустау нүктесін нысан үстіне «АФ аумағының режимін таңдау» (0 АФ аумағының режимін таңдау) бөлімінде сипатталғандай орналастырыңыз.

  4. Фокустаңыз.

    Фокустау үшін ысырманы босату түймешігін жартылай басыңыз.

    Фотокамера фокустап тұрған кезде фокустау нүктесі жасыл түспен жыпылықтайды және ысырманы босату мүмкіндігі өшіріледі. Егер фотокамера фокустай алса, фокустау нүктесі жасыл түспен көрсетіледі; егер фотокамера фокустай алмаса, фокустау нүктесі қызыл түспен жыпылықтайды (фокустау нүктесі қызыл түспен жыпылықтаған кезде де суреттерді түсіруге болатынын ескеріңіз; суретке түсіру алдында монитордағы фокусты тексеріңіз). Экспозицияны қосымша селектордың ортасын басу арқылы құлыптауға болады (0 Автоэкспозиция (АЭ) құлпы); ысырманы босату түймешігі жартылай басылып тұрғанда фокустау құлыпталады.

    Тікелей көріністе автофокусты пайдалану

    AF-S немесе AF-P объективін пайдаланыңыз. Басқа объективтермен немесе телескопиялық түрлендіргіштермен қажет нәтижелерге қол жеткізілмеуі мүмкін. Тікелей көріністе автофокус баяуырақ екенін және монитор фотокамера фокусталып жатқанда жарықтануы немесе күңгірттенуі мүмкін екенін ескеріңіз. Фотокамера фокустай алмаған кезде фокустау нүктесі кейде жасыл түспен көрсетілуі мүмкін. Фотокамера мына жағдайларда фокустай алмауы мүмкін:

    • Нысанның жақтаудың ұзын жиегіне параллель орналасқан сызықтары бар
    • Нысанның контрасты жеткіліксіз
    • Фокустау нүктесіндегі нысанның қатты контрасты бар жарық аумақтары бар немесе нысанның бір ғана тұстан шығатын жарығы, неон белгісі немесе жарықтығы өзгеріп тұратын өзге жарық көзі бар
    • Флюоресцентті, сынапты, натрийлі немесе соларға ұқсас жарық астында жыпылықтау немесе жолақтану іздері орын алады
    • Айқас (жұлдызша) түріндегі сүзгі немесе басқа арнайы сүзгі пайдаланылған
    • Нысан фокустау нүктесінен кішілеу көрінеді
    • Нысанда геометриялық пішіндер (мысалы, перделер немесе көпқабатты үй терезелерінің қатары) көп
    • Нысан қозғалыста

  5. Сурет түсіріңіз.

    Ысырманы босату түймешігін соңына дейін басып суретке түсіріңіз. Монитор өшеді.

  6. Тікелей көріністен шығыңыз.

    Тікелей көріністен шығу үшін a түймешігін басыңыз.

Экспозицияны алдын-ала қарау

Тікелей көрініс кезінде J түймешігін басып ысырма жылдамдығының, апертураның және ISO сезімталдықтың экспозицияға әсерлерін алдын-ала қарауға болады. Экспозицияны ±5 ЭМ (0 Экспозиция түзетілімі) қадамымен реттеуге болады, дегенмен, алдын-ала қарау дисплейінде тек –3 және +3 ЭМ арасындағы мәндер көрсетіледі. Жарқылмен жарықтандыру пайдаланылса, Active D-Lighting (Қосылған D-Lighting) (0 Active D-Lighting (Қосылған D-Lighting)), HDR (жоғары динамикалық ауқым; 0 Жоғары динамикалық ауқым (HDR)) немесе брекетинг қосылған болса, Picture Control режимінің Contrast (Контраст) параметрі үшін A (автоматты) күйі таңдалған болса (0 Picture Control параметрлері) немесе ысырма жылдамдығы үшін p таңдалған болса, алдын-ала қарау түпкілікті нәтижелерді дәл көрсетпеуі мүмкін екенін ескеріңіз. Нысан өте жарық немесе өте күңгірт болса, экспозиция индикаторлары жыпылықтап, алдын-ала қарау экспозицияны дәл көрсетпеуі мүмкін екені туралы ескертеді. Ысырма жылдамдығы үшін A немесе % таңдалған болса, экспозицияны алдын-ала қарау қолжетімді емес.

Тікелей көрініс масштабын алдын-ала қарау

Монитордағы көріністі шамамен 16× максимумына дейін ұлғайту үшін X түймешігін басыңыз. Дисплейдің төменгі оң жақ бұрышында сұр түсті жақтауы бар шарлау терезесі пайда болады. Мульти селекторды пайдаланып мониторда көрінбейтін кадр аумақтарына жүгіртіңіз немесе W (M) түймешігін басып кішірейтіңіз.

X түймешігі

Шарлау терезесі

Сонымен қатар, келесіні қараңыз

Мына туралы ақпарат алу үшін: