2. D850 онлайн нұсқаулық
  3. Керек-жарақтарға арналған құрылғыға бекітілетін жарқыл бөліктерін пайдалану
  4. Жарқылды пайдалану

Жарқылды пайдалану

Қосымша жарқыл бөлігін фотокамераға бекіту және жарқылды пайдаланып фотосуреттер түсіру үшін төмендегі қадамдарды орындаңыз.

Сонымен қатар, келесіні қараңыз

Бірнеше қашықтан басқарылатын жарқыл бөліктерін пайдалану туралы ақпаратты «Қосымша жарқыл бөліктері» (0 Қосымша жарқыл бөліктері) бөлімінде қараңыз.

  1. Бөлікті керек-жарақтарға арналған құрылғыға бекітіңіз.

    Мәліметтерді бөлікпен берілген нұсқаулықтан қараңыз.

  2. Фотокамераны және жарқыл бөлігін қосыңыз.

    Жарқыл зарядтала бастайды; зарядтау аяқталғанда көріністапқышта жарқылдың дайындығын білдіретін индикатор (c) көрсетіледі.

  3. Жарқыл параметрлерін реттеңіз.

    Жарқыл режимін (0 Жарқыл режимдері) және кірістірілген жарқылды басқару режимін (0 Фотокамерадағы жарқылмен фотосурет түсіру) таңдаңыз.

  4. Ысырма жылдамдығын және апертураны реттеңіз.

  5. Суреттер түсіріңіз.

Үшінші тарап жарқыл бөліктері

Фотокамераны фотокамераның X түйіспелеріне 250 В-тан астам кернеулерді қолданатын немесе керек-жарақтарға арналған құрылғыдағы түйіспелерді қысқа тұйықтайтын жарқыл бөліктерімен бірге пайдалану мүмкін емес. Мұндай жарқыл бөліктерін пайдалану фотокамераның қалыпты жұмысына кедергі келтіріп қана қоймай, сонымен қатар фотокамераның және/немесе жарқылдың жарқылды синхрондау тізбектерін зақымдауы мүмкін.

Ысырма жылдамдығы

Қосымша жарқыл бөлігі пайдаланылған кезде ысырма жылдамдығын төмендегідей орнатуға болады:

Режим Ысырма жылдамдығы
P, A Фотокамера автоматты түрде орнатады (1/250 с–1/60 с) *
S Қолданушы таңдайтын мән (1/250 с–30 с)
M Қолданушы таңдайтын мән (1/250 с–30 с, Қолмен басылу режимі (A), Уақыт (%))

Жарқыл режимі үшін баяу синхрондау, артқы пердемен баяу синхрондау немесе қызыл көз әсерін азайту бар синхрондау таңдалған болса, ысырма жылдамдығын 30 с баяу мәніне орнатуға болады.

Синхрондау түйіспе тұсы

Синхрондау кабелін қажет болса синхрондау түйіспе тұсына жалғауға болады. Жарқыл бөлігін фотокамераның керек-жарақтарға арналған құрылғысына бекітіп, артқы пердемен синхрондау жарқылы арқылы фотосурет түсіруді орындаған кезде синхрондау кабелімен басқа жарқыл бөлігін жалғамаңыз.

i-TTL жарқылды басқару тетігі

CLS жүйесімен үйлесімді жарқыл бөлігі TTL мәніне орнатылған кезде фотокамера мына жарқылды басқару түрлерінің біреуін автоматты түрде таңдайды:

  • Сандық айналы фотокамераның i-TTL балансталған толықтырғыш жарқылы: жарқыл басты жарқыл шығармас бұрын бірнеше рет көрінбейтіндей дерлік жыпылықтайды (монитор жыпылықтары). Кадрдың барлық аумақтарындағы нысандардан шағылысқан жыпылықтарды шамамен 180000 нүктесі бар RGB сенсоры ұстап алады, әрі матрицалық өлшем жүйесіндегі ауқым ақпаратымен бірге талдап басты нысан мен қоршаған ортаның артқы фон жарығы арасындағы табиғи баланс үшін жарқылдың шығысын реттейді. G, E немесе D объективі қолданылған жағдайда, қашықтық мәліметі жарқыл шығысын есептегенде ескеріледі. Объектив деректерін (фокустық қашықтық пен максималды апертура; 0 Микропроцессормен жабдықталмаған объективтер) қамтамасыз ету арқылы микропроцессормен жабдықталмаған объектив үшін есептеу дәлдігін арттыруға болады. Нүктелі экспоөлшегіш қолданылғанда қолжетімді емес.
  • Сандық айналы фотокамераның стандартты i-TTL толықтырғыш жарқылы: кадрда жарықты стандартты деңгейге апару үшін реттелген жарқыл шығысы; артқы фонның жарықтығы ескерілмейді. Негізгі нысанға артқы нәрселерге қарағанда көбірек мән берілуі тиіс суреттер үшін немесе экспозиция түзетілімі мүмкіндігі пайдаланылған кезде ұсынылады. Санды айналы фотокамераның стандартты i-TTL толықтырғыш жарқылы нүктелі экспоөлшегіш таңдалғанда автоматты түрде іске қосылады.